«Marsel» egasi Frenk Makkort jamoa qarorgohiga yetib keldi. Klub yaqinda bosh murabbiy iste'fosi bilan bog'liq vaziyatni boshdan kechirdi, deb xabar bermoqda GFFN. Bu haqda euro-football.ru xabar beradi.
Avvalroq sport direktori Mehdi Benatiya ham jamoani tark etish niyatini bildirgandi. U yangi murabbiy tayinlash masalasida klub prezidenti Pablo Longoriya bilan kelisha olmagan, Benatiya esa «Renn»dan bo'shatilgan Habib Beyye nomzodini faol qo'llab-quvvatlagan.
Benatiyaning ketishi haqidagi gap-so'zlar ortidan Beyye variantiga eshik yopilgandek ko'ringandi. Biroq Makkort sport direktorini klubda olib qoldi, unga vakolatlarni kengaytirib berdi va shu bilan birga prezidentning ayrim vakolatlarini qisqartirdi.
Endilikda Habib Beyye «Marsel» bilan muzokaralar o'tkazishi kutilmoqda va u yaqin orada jamoa bosh murabbiyiga aylanishi mumkin.
“Zamin”ni Telegramʻda oʻqing!
