Argentina futbolining mashhur klubi «Boka Xuniors» yangi sport direktorini rasman e'lon qildi. Endilikda ushbu lavozimda Marselo Delgado ishlaydi va u klub prezidenti Xuan Rikelme bilan yaqin hamkorlikda faoliyat olib boradi. Eslatib o‘tamiz, Rikelme avval «Barselona» safida ham to‘p surgan. Bu haqda euro-football.ru xabar beradi.
Klub tarkibni tez fursatda kuchaytirishga muhtoj, shu bois Delgado va Rikelme oldida transfer bozorida jiddiy vazifalar turibdi. «Boka Xuniors» rahbariyati yaqin davrda jamoani yangi futbolchilar bilan to‘ldirish orqali natijalarni barqarorlashtirishni ko‘zlamoqda.
Marselo Delgado futbolchi sifatida ham katta tajribaga ega: u Argentina terma jamoasida 1995–2002 yillarda 18 ta uchrashuv o‘tkazgan, jumladan 1998 yilgi jahon chempionatida ham ishtirok etgan. 2003 yilda esa Delgado «Santos» hujumchisi Rikardo Oliveyra bilan birga Libertadores kubogining eng yaxshi to‘purari bo‘lgandi.
“Zamin”ni Telegramʻda oʻqing!
