Аргентина футболининг машҳур клуби «Бока Хуниорс» янги спорт директорини расман эълон қилди. Энди ушбу лавозимда Марсело Делгадо ишлайди ва у клуб президенти Хуан Рикелме билан яқин ҳамкорликда фаолият олиб боради. Эслатиб ўтамиз, Рикелме аввал «Барселона» сафида ҳам тўп сурган. Бу ҳақда euro-football.ru хабар беради.
Клуб таркибни тез фурсатда кучайтиришга муҳтож, шу боис Делгадо ва Рикелме олдида трансфер бозорида жиддий вазифалар турибди. «Бока Хуниорс» раҳбарияти яқин даврда жамоани янги футболчилар билан тўлдириш орқали натижаларни барқарорлаштиришни кўзламоқда.
Марсело Делгадо футболчи сифатида ҳам катта тажрибага эга: у Аргентина терма жамоасида 1995–2002 йилларда 18 та учрашув ўтказган, жумладан 1998 йилги жаҳон чемпионатида ҳам иштирок этган. 2003 йилда эса Делгадо «Сантос» ҳужумчиси Рикардо Оливейра билан бирга Либертадорес кубогининг энг яхши тўпурари бўлганди.
“Zamin”ни Telegram'да ўқинг!
