Antonio Kassano «Milan» manziliga tanqid yog'dirishni odat qilgan sobiq hujumchilardan. U yildan yilga «rossoneri»ni qattiq tanqid qilib keladi va bu safar ham istisno bo'lmadi: Kassano Massimiliano Allegri qo'l ostida jamoa ko'rsatayotgan o'yinda ijobiy tomon ko'rmayapti. Bu haqda euro-football.ru xabar beradi.
Uning fikricha, «Milan» bu yil faqat uch uchrashuvda munosib futbol ko'rsatgan: «Bolonya»ga qarshi ikki o'yin va «Udineze» bilan bahs. Kassano jamoada aniq o'yin g'oyasi yo'qligini ta'kidlab, boshqa klublarda bu tizim borligini, «Milan» esa maydonda go'yo 80-yillar futbolini eslatayotgan uslubda harakat qilayotganini aytdi.
Ayni paytda «Milan» A Seriya jadvalida ikkinchi o'rinda bormoqda. Jamoa chorshanba kuni «Komo»ga qarshi maydonga tushadi.
“Zamin”ni Telegramʻda oʻqing!
