Turkiyaning Galatasaray klubi Chempionlar ligasi pley-off bosqichidagi ilk o'yinda Turinning Yuventus jamoasini ishonchli tarzda mag'lub etdi. Uchrashuvda turklar raqib darvozasiga besh bor aniq zarba yo'lladi, o'z darvozasidan esa ikki gol o'tkazib yubordi. Bu haqda euro-football.ru xabar beradi.
Bellashuvning eng ko'zga ko'ringan futbolchilaridan biri Viktor Osimhen bo'ldi: u nafaqat gol urdi, balki jamoadoshlariga ham golli uzatmalar bilan yordam berdi.
O'yindan keyin esa sobiq Napoli hujumchisi hissiyotlarga berilib ketdi. U stadionning ichki yo'laklaridan birida xursandchilik ustida yoritish jihozlaridan birini sindirib qo'ydi. Yetkazilgan zararni klub o'z zimmasiga olib, to'lab berdi.
Javob uchrashuvi bir hafta o'tib, Yuventus maydonida bo'lib o'tadi.
“Zamin”ni Telegramʻda oʻqing!
