Turkiyaning «Galatasaray» klubi Chempionlar ligasi pley-off bosqichi ilk uchrashuvida Turinining «Yuventus» jamoasini ishonchli tarzda mag'lub etdi. Turkiyaliklar raqib darvozasiga beshta gol urib, o'z darvozasidan atigi ikki to'p o'tkazib yubordi. Bu haqda euro-football.ru xabar beradi.
Viktor Osimhen uchrashuv davomida eng ko'zga ko'ringan futbolchilardan biri bo'ldi: u nafaqat gol urdi, balki jamoadoshlariga ham golli uzatmalar bilan yordam berdi.
O'yindan keyin sobiq «Napoli» hujumchisi hissiyotlarga berilib ketdi: stadionning ichki yo'laklarida quvonchdan kichik shovqin ko'tarib, yoritgichlardan birini sindirib qo'ydi. Yetkazilgan zarar klub tomonidan qoplab berilishi aytildi.
Javob uchrashuvi bir haftadan so'ng «Yuventus» maydonida bo'lib o'tadi.
“Zamin”ni Telegramʻda oʻqing!
