Rossiya futboli sobiq yulduzi Aleksandr Mostovoy mart oyida Rossiya va Mali terma jamoalari o‘rtasida o‘rtoqlik uchrashuvi o‘tkazilishi ehtimoli haqida fikr bildirdi. Bu haqda euro-football.ru xabar beradi.
Rossiya futbol ittifoqi hali Mali bilan o‘yin borasida rasmiy bayonot bermagan. Biroq Mali federatsiyasi vakillari kelishuv mavjudligini aytib o‘tgan. Uchrashuv 27 mart, juma kuni Krasnodarda bo‘lib o‘tishi kutilmoqda.
Mostovoyga ko‘ra, Rossiya termasining raqiblari darajasi sezilarli oshgan: avval Nigeriya, Peru va Chili bo‘lgan bo‘lsa, endi Mali ham ro‘yxatda. U asosiy xulosalarni shoshilmasdan, avvalo tarkibda kimlar yig‘inga kelishini ko‘rish kerakligini ta’kidladi. Shuningdek, u “endi savdo markazlari bilan emas, kuchliroq jamoalar bilan o‘ynayapmiz”, degan mazmunda gapirdi.
Rossiya terma jamoasi so‘nggi yig‘inni noyabr oyida o‘tkazgandi. O‘shanda Valeriy Karpin shogirdlari Peru bilan 1:1 hisobida durang o‘ynab, Chiliga 0:2 hisobida yutqazgan. Sanksiyalar sabab rossiyaliklar rasmiy xalqaro musobaqalarda qatnasha olmayapti.
“Zamin”ni Telegramʻda oʻqing!
