Futbolchi sifatida tanilgan Aleksandr Mostovoy Rossiya va Mali terma jamoalari o‘rtasida mart oyida bo‘lib o‘tishi mumkin bo‘lgan o‘rtoqlik uchrashuvi haqida fikr bildirdi. Bu haqda euro-football.ru xabar beradi.
Rossiya futbol ittifoqi hozircha Mali bilan o‘yin rasman e’lon qilmagan, biroq Mali futbol federatsiyasi vakillari kelishuv borligini aytib o‘tgan. Ma’lumotlarga ko‘ra, bahs Krasnodarda 27-mart, juma kuni o‘tkazilishi kutilmoqda.
Mostovoyning ta’kidlashicha, raqiblar darajasi sezilarli oshgan: avval Nigeriya, Peru, Chili bilan o‘ynalgan, endi esa Mali. U hozircha yakuniy xulosa qilish erta ekanini, asosiy masala — tarkibga qaysi yetakchi futbolchilar kelishida ekanini qo‘shimcha qildi. Shuningdek, u “endi savdo markazlari bilan emas, jiddiyroq raqiblar bilan o‘ynayapmiz”, deya fikrini bildirib o‘tdi.
Rossiya terma jamoasining so‘nggi yig‘ini noyabrda bo‘lib o‘tgandi: Valeriy Karpin boshchiligidagi jamoa Peru bilan 1:1 hisobida durang o‘ynab, Chiliga 0:2 hisobida imkoniyatni boy bergan. Sanksiyalar sabab rossiyaliklar rasmiy xalqaro turnirlarda ishtirok etmayapti.
“Zamin”ni Telegramʻda oʻqing!
