«Bavariya» bosh murabbiyi bo‘lib ishlayotgan mashhur sobiq himoyachi Vensan Kompani futbolchilik faoliyati davomidagi eng qiyin raqiblarini esga oldi. Bu haqda euro-football.ru xabar beradi.
Belgiyalik mutaxassis alohida tarzda braziliyalik Ronaldinyoni tilga oldi. U faoliyati davomida «PSJ», «Barselona» va «Milan» safidagi o‘yinlari bilan keng tanilgan.
«Menda eng kuchli taassurot qoldirgani — Ronaldinyo. Ha, ehtimol, Ronaldu va Messi eng zo‘r futbolchilardir, ammo bitta o‘yindagi ta’sir va his-tuyg‘u nuqtayi nazaridan men uchun Ronaldinyo birinchi o‘rinda», — dedi Kompani.
Eslatib o‘tamiz, Kompani 2020 yilda futbolchilik faoliyatini yakunlagan. U 2024 yil yozidan «Bavariya»ni boshqarib kelmoqda va o‘tgan mavsumda jamoani Bundesligada chempionlikka olib chiqqan.
“Zamin”ni Telegramʻda oʻqing!
