Hujumchi Viktor Osimhen hozircha Galatasaraydagi hayotidan mamnun va klubini o'zgartirish zarurati borligini sezmayapti. Nigeriyalik futbolchiga jamoa muhiti ham, o'yin uslubi ham yoqmoqda. Bu haqda euro-football.ru xabar beradi.
Shu bilan birga, The Touchline xabariga ko'ra, yozgi transfer oynasida bir nechta top-klub Osimhen nomzodiga qiziqish bildirishi mumkin. Hozircha aniq muzokaralar yoki rasmiy aloqalar boshlanganicha yo'q.
Manbada ta'kidlanishicha, ehtimoliy transfer masalasida hal qiluvchi omil Osimhenning shaxsiy qarori bo'ladi.
Osimhen Galatasaray safida 64 ta rasmiy uchrashuv o'tkazib, 52 ta gol urdi va 13 ta golli pas muallifi bo'ldi.
Transfermarkt portali 27 yoshli hujumchini 75 million yevroga baholamoqda.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
