"Barselona" yarim himoyachisi Dani Olmo Chempionlar ligasida g'oliblik uchun kurash haqida fikr bildirdi. Bu haqda euro-football.ru xabar beradi.
Olmoning ta'kidlashicha, jamoa o'tgan mavsumda finalga chiqishga juda yaqin kelgan, biroq hal qiluvchi bosqichga bir qadam yetmay qolgan. Uning so'zlariga ko'ra, bu holat kataloniyaliklarni yanada ko'proq ruhlantirib, sovrin uchun oxirigacha kurashishga undamoqda.
Eslatib o'tamiz, o'tgan Chempionlar ligasi mavsumida "Barselona" yarim finalgacha yetib borgan va unda Milaning "Inter" jamoasiga qarshi ikki o'yin natijasida imkoniyatni boy bergan (3:3 va 3:4).
Joriy mavsumda Xans-Diter Flik boshchiligidagi "Barselona" umumiy bosqichni beshinchi o'rinda yakunlab, to'g'ridan-to'g'ri 1/8 final yo'llanmasini qo'lga kiritdi. Jamoa sakkiz turda 16 ochko jamg'ardi.
“Zamin”ni Telegramʻda oʻqing!
