Argentina klubi «Boka Xuniors» yangi sport direktorini ma’lum qildi — endi bu lavozimda Marselo Delgado ishlaydi. U klub prezidenti Xuan Rikelme bilan yaqin hamkorlikda faoliyat olib boradi. Bu haqda euro-football.ru xabar beradi.
Jamoaga tezkor tarzda tarkibni kuchaytirish zarur, shu bois Delgado va Rikelme duetining asosiy vazifasi yaqin davrda transfer masalalarini tartibga solish bo‘ladi.
Delgado futbolchilik faoliyatida ham katta tajriba to‘plagan: u Argentina terma jamoasida 1995–2002 yillar oralig‘ida 18 uchrashuvda maydonga tushgan va 1998 yilgi Jahon chempionati bahslarida ham qatnashgan.
Shuningdek, 2003 yilda u Libertadores kubogining eng yaxshi to‘purari bo‘lgan — «Santos» hujumchisi braziliyalik Rikardo Oliveyra bilan birga bir xil natija qayd etgan.
“Zamin”ni Telegramʻda oʻqing!
