Аргентина клуби «Бока Хуниорс» янги спорт директорини маълум қилди — энди бу лавозимда Марсело Делгадо ишлайди. У клуб президенти Хуан Рикелме билан яқин ҳамкорликда фаолият олиб боради. Бу ҳақда euro-football.ru хабар беради.
Жамоага тезкор тарзда таркибни кучайтириш зарур, шу боис Делгадо ва Рикелме дуэтининг асосий вазифаси яқин даврда трансфер масалаларини тартибга солиш бўлади.
Делгадо футболчилик фаолиятида ҳам катта тажриба тўплаган: у Аргентина терма жамоасида 1995–2002 йиллар оралиғида 18 учрашувда майдонга тушган ва 1998 йилги Жаҳон чемпионати баҳсларида ҳам қатнашган.
Шунингдек, 2003 йилда у Либертадорес кубогининг энг яхши тўпурари бўлган — «Сантос» ҳужумчиси бразилиялик Рикардо Оливейра билан бирга бир хил натижа қайд этган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
