O'zbekiston terma jamoasi hujumchisi va Istanbul Bashakshehir klubi futbolchisi Eldor Shomurodov Turkiya chempionatida eng ko'p samaradorlik ko'rsatayotgan o'yinchi sifatida peshqadamlik qilmoqda. Bu haqda euro-football.ru xabar beradi.
21-fevral holatiga ko'ra (Toshkent vaqti bilan) Shomurodov «gol+pas» tizimida 20 ochko jamg'ardi: 16 ta gol va 4 ta golli uzatma. U turnir to'purarlari ro'yxatida ham birinchi o'rinda bormoqda.
Galatasaray yulduzlari bilan solishtirganda, Shomurodovning ko'rsatkichlari ancha yuqori: Mauro Ikardida barcha o'yinlarda 13 ta gol bor, Viktor Osimhen esa milliy chempionat doirasida 9 ta gol bilan cheklanmoqda.
Eslatib o'tamiz, Shomurodov to'p tepayotgan O'zbekiston terma jamoasi Shimoliy Amerikada o'tadigan 2026 yilgi Jahon chempionatiga yo'llanmani qo'lga kiritgan.
“Zamin”ni Telegramʻda oʻqing!
