Mbappe jarohat tufayli «Real Madrid» tarkibini tark etishi mumkin
"Real Madrid" hujumchisi Kilian Mbappe jarohati sababli jamoani tark etishi mumkinligi haqidagi xabarlar sport olamida shov-shuvga sabab bo'lmoqda. Ma'lumotlarga ko'ra, futbolchining jismoniy muammolari va jamoadoshlari bilan yuzaga kelgan kelishmovchiliklar uning klubdagi kelajagini so'roq ostida qoldirgan. Shuningdek, Mbappe rahbariyatning Vinisius Juniorga bo'lgan munosabatidan norozi ekani va jamoaviy muhitdan charchagani aytilmoqda. Vaziyatni o'nglash maqsadida klub rahbariyati murabbiylar shtabiga Dide Deshamni taklif etish variantini ko'rib chiqmoqda.
Ispaniyada Kilian Mbappe atrofida shov-shuvli mish-mishlar tarqalmoqda. Xabarlarga ko'ra, fransiyalik hujumchining so'nggi jarohati «Real Madrid» klubidan uzoqlashish uchun shunchaki bahona bo'lishi mumkin. Bu haqda Goal.com xabar beradi.
Mbappe «Real Betis» bilan o'yinda tizzasidagi noqulaylik tufayli maydonni tark etgan edi. Biroq muxlislar va ekspertlar futbolchining jamoa uchun borini berishga tayyor emasligidan shubhalanmoqda.
«Marca» nashri Mbappening jamoadagi hayotidan charchaganini yozmoqda. Bunga doimiy jismoniy muammolar va kiyinish xonasidagi ayrim jamoadoshlari bilan yuzaga kelgan kelishmovchiliklar sabab qilib ko'rsatilgan.
Hujumchi Jud Bellingem va murabbiy Alvaro Arbeloa bilan ziddiyatga borgani aytilmoqda. Shuningdek, u klub rahbariyati Vinisius Juniorni o'zidan ko'ra ko'proq qadrlashidan norozi bo'lib kelmoqda.
Vaziyatni o'zgartirish uchun «Real Madrid» rahbariyati murabbiylar shtabida o'zgarishlar qilishi kutilmoqda. Mbappening Fransiya terma jamoasidagi ustozi Didye Desham nomzodi asosiy variantlardan biri sifatida ko'rilmoqda.
Izohlar 0
…