Pentagon Phantom jangovar robotlari uchun 24 mln dollar ajratdi
AQSh Mudofaa vazirligi "Foundation Future Industries" kompaniyasi bilan "Phantom" nomli o'ta kuchli gumanoid robotlarni ishlab chiqarish uchun 24 million dollarlik shartnoma imzoladi. Mazkur loyihaning asosiy maqsadi texnologiyalar poygasida Xitoydan o'zib ketish hamda jang maydonlarida amerikalik askarlarning hayotini saqlab qolishdan iborat. Erik Tramp tomonidan qo'llab-quvvatlanayotgan ushbu robotlar nafaqat harbiy operatsiyalarda, balki qurilish va tabiiy ofat oqibatlarini bartaraf etishda ham qo'llanilishi rejalashtirilgan.
AQSh Mudofaa vazirligi Foundation Future Industries kompaniyasi bilan Phantom nomli o'ta kuchli odamsimon robotlarni ishlab chiqarish bo'yicha 24 mln dollarlik shartnoma imzoladi. Bu haqda Vashingtondagi manbalarga tayanib FOX Business nashri xabar bermoqda. Bu haqda Inform.kz xabar beradi.
Dunyo miqyosida kuchli robotlar ishlab chiqarish bilan shug'ullanuvchi ushbu startap AQSh prezidentining o'g'li Erik Tramp tomonidan qo'llab-quvvatlanmoqda. Loyihaning asosiy maqsadi texnologiyalar sohasida Xitoy bilan raqobatda ustunlikka erishishdan iborat.
Jangovar mashina dushman ob'ektlariga kirish va amerikalik askarlar hayotini saqlab qolish uchun mo'ljallangan. Kompaniya rahbari Sanket Patxak va strategiya bo'yicha maslahatchi Erik Trampning ta'kidlashicha, ushbu texnologiya AQShning jang maydonidagi ustunligini ta'minlaydi.
Patxakning so'zlariga ko'ra, Xitoy ham hozirda yer usti va havo avtonomiyasi yo'nalishida shunga o'xshash texnologiyalar ustida faol ish olib bormoqda. Erik Tramp robotlarni amalda ko'rganini va ular harbiy operatsiyalar borishini tubdan o'zgartirishiga ishonishini bildirdi.
Phantom roboti 79 kilogramm vaznga ega bo'lib, soniyasiga 1,7 metr tezlikda harakatlana oladi. Ushbu texnologiyadan nafaqat mudofaa sohasida, balki qurilish va tabiiy ofat oqibatlarini bartaraf etish ishlarida ham foydalanish rejalashtirilgan.
Izohlar 0
…