Myunxenning «Bavariya» klubi hujumchisi Garri Keyn uning «Barselona»ga ehtimoliy transferi borasidagi xabarlarga munosabat bildirdi. Bu haqda euro-football.ru xabar beradi.
Kataloniyaliklar prezidenti Xavyer Vilaxoana yaqinda ingliz futbolchisi tomon bilan aloqalar bo‘layotgani haqida gapirgandi.
Keyn esa Sky Sport’ga bergan intervyusida bu borada hech qanday ma’lumotga ega emasligini aytdi: «Men bu haqda hech narsa eshitmaganman. Bu ishlar bilan otam va akam shug‘ullanadi, lekin ular menga bu haqida hech narsa demagan. Men faqat shuni takrorlayman: «Bavariya»da o‘zimni baxtli his qilyapman va bor e’tiborim hozirgi klubimda. Shunga qaramay, bu gaplarni kompliment sifatida qabul qilaman», — dedi u.
32 yoshli forvardning myunxenliklar bilan shartnomasi 2027 yilgacha mo‘ljallangan. Mish-mishlarga ko‘ra, «Barselona» Keynni Robert Levandovskining bo‘lajak o‘rinbosari sifatida ko‘rmoqda.
“Zamin”ni Telegramʻda oʻqing!
