Argentina grandi «Boka Xuniors» sport direktori lavozimiga Marselo Delgado tayinlanganini rasman ma’lum qildi. U klub prezidenti Xuan Rikelme bilan yaqindan hamkorlikda ishlaydi — Rikelme faoliyatida «Barselona» safida ham to‘p surgan. Bu haqda euro-football.ru xabar beradi.
Klub tarkibni qisqa muddat ichida kuchaytirishga muhtoj ekani ta’kidlanmoqda. Shu sababli Delgado va Rikelme duetining asosiy vazifasi transferlar bozorida tezkor va aniq qarorlar qabul qilish bo‘ladi.
Delgado futbolchilik faoliyatida ham katta tajribaga ega: u 1995–2002 yillarda Argentina terma jamoasida 18 ta uchrashuv o‘tkazgan va 1998 yilgi Jahon chempionatida ham qatnashgan.
Shuningdek, u 2003 yilda Libertadores kubogida eng yaxshi to‘purar bo‘lgan — bu natijani «Santos» hujumchisi braziliyalik Rikardo Oliveyra bilan birga qayd etgan.
“Zamin”ni Telegramʻda oʻqing!
