Аргентина гранди «Бока Хуниорс» спорт директори лавозимига Марсело Делгадо тайинланганини расман маълум қилди. У клуб президенти Хуан Рикелме билан яқиндан ҳамкорликда ишлайди — Рикелме фаолиятида «Барселона» сафида ҳам тўп сурган. Бу ҳақда euro-football.ru хабар беради.
Клуб таркибни қисқа муддат ичида кучайтиришга муҳтож экани таъкидланмоқда. Шу сабабли Делгадо ва Рикелме дуэтининг асосий вазифаси трансферлар бозорида тезкор ва аниқ қарорлар қабул қилиш бўлади.
Делгадо футболчилик фаолиятида ҳам катта тажрибага эга: у 1995–2002 йилларда Аргентина терма жамоасида 18 та учрашув ўтказган ва 1998 йилги Жаҳон чемпионатида ҳам қатнашган.
Шунингдек, у 2003 йилда Либертадорес кубогида энг яхши тўпурар бўлган — бу натижани «Сантос» ҳужумчиси бразилиялик Рикардо Оливейра билан бирга қайд этган.
“Zamin”ни Telegram'да ўқинг!
