Rossiyalik mutaxassis Valeriy Nepomnyashchiy Rossiya va Mali o'rtasida bo'lib o'tadigan BetBoom o'rtoqlik uchrashuvi oldidan fikr bildirdi. Bahs 27 mart kuni o'tkaziladi. Bu haqda euro-football.ru xabar beradi.
Nepomnyashchiyning ta'kidlashicha, hozirgi izolyatsiya sharoitida Rossiya uchun istalgan raqib qulay variant hisoblanadi. U Mali mutlaq favorit emasligini qayd etar ekan, baribir o'yin oson kechmasligini aytdi. Murabbiy Afrika terma jamoalarini uslubiga ko'ra ham ajratib o'tdi: Senegal va Kamerun kabi texnik jamoalar bor, Gana hamda Mali esa ko'proq inglizcha — kuch va yuqori tempga tayanuvchi futbol namoyish etadi.
Ma'lumot uchun, Mali FIFA reytingida 54-o'rinda bormoqda, Valeriy Karpin boshqaruvidagi Rossiya esa 36-pog'onani egallab turibdi. Bu ikki terma jamoa avval hech qachon o'zaro to'qnash kelmagan.
“Zamin”ni Telegramʻda oʻqing!
