“Konyaspor”dan kutilmagan mag‘lubiyatdan so‘ng “Galatasaray” atrofida klub ichidagi vaziyat keskinlashgani haqidagi xabarlar tarqaldi. TR24 ma’lumotiga ko‘ra, jamoa futbolchilari maoshlarini ololmayapti. Bu haqda euro-football.ru xabar beradi.
Manbaga ishonilsa, bu holat ketma-ket uch oy davom etmoqda. Klubning rasmiy vakillari masalaga izoh bermayotgani esa OAV va muxlislar orasidagi qiziqishni yanada kuchaytirmoqda.
Mahalliy jurnalist Halik Yurekli so‘nggi voqealar fonida “Galatasaray”ning chempionlik imkoniyatlari tobora shubhali ko‘rinayotganini ta’kidladi.
Hozircha jamoa chempionatda 55 ochko bilan peshqadam, biroq 52 ochkosi bor va zaxirada bir o‘yini mavjud “Fenerbahche” yaqin orada uni quvib yetishi mumkin.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
