Bundesliganing so'nggi turida «Bavariya» Frankfurtning «Ayntraxt» jamoasini 3:2 hisobida mag'lub etdi. Uchrashuvda ingliz hujumchisi Garri Keyn ikki bor raqib darvozasini ishg'ol qildi. Bu haqda euro-football.ru xabar beradi.
Keyn avvalgi ikki o'yinda ham dubl qayd etgandi: u «Hoffenhaym»ga ham, «Verder»ga ham ikki tadan gol urgan.
2023 yildan beri Bundesligada to'p surayotgan hujumchi faoliyatida uchinchi marta ketma-ket o'yinlarda dubl seriyasini takrorladi. Shu tariqa u «Bavariya»ning 60–70-yillardagi afsonaviy to'purari Gerd Myuller bilan tenglashdi.
«Bavariya» tarixida bunday seriyani faoliyati davomida to'rt marta amalga oshirgan yagona futbolchi esa Robert Levandovski bo'lib qolmoqda. Hozir u Kataloniyaning «Barselona» klubi safida o'ynaydi.
“Zamin”ni Telegramʻda oʻqing!
