Бундеслиганинг сўнгги турида «Бавария» Франкфуртнинг «Айнтрахт» жамоасини 3:2 ҳисобида мағлуб этди. Учрашувда инглиз ҳужумчиси Гарри Кейн икки бор рақиб дарвозасини ишғол қилди. Бу ҳақда euro-football.ru хабар беради.
Кейн аввалги икки ўйинда ҳам дубл қайд этганди: у «Хоффенхайм»га ҳам, «Вердер»га ҳам иккитадан гол урган.
2023 йилдан бери Бундеслигада тўп сураётган ҳужумчи фаолиятида учинчи марта кетма-кет ўйинларда дубл сериясини такрорлади. Шу тариқа у «Бавария»нинг 60–70-йиллардаги афсонавий тўпурари Герд Мюллер билан тенглашди.
«Бавария» тарихида бундай серияни фаолияти давомида тўрт марта амалга оширган ягона футболчи эса Роберт Левандовски бўлиб қолмоқда. Ҳозир у Каталониянинг «Барселона» клуби сафида ўйнайди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
