Argentina klubi «River Pleyt» bosh murabbiyi Marselo Galyardo jamoani tark etish qarorini qabul qildi. Klub rasmiy sayti ushbu xabarni bayonot orqali tasdiqladi. Bu haqda euro-football.ru xabar beradi.
Mutaxassis mamlakat chempionatida «Banfild»ga qarshi o'yindan keyin lavozimini topshiradi. Uchrashuv 26 fevral kuni bo'lib o'tishi belgilangan. Galyardoning ixtiyoriy iste'fosi jamoaning kutilgan darajadagi natija ko'rsata olmayotgani bilan izohlanmoqda: «River Pleyt» hozircha turnir jadvalida 10-o'rinda.
Galyardo faoliyati davomida «River Pleyt»ni ikki bor boshqargan. Uning eng yorqin davri 2014–2022 yillarga to'g'ri kelib, bu oraliqda klub 14 ta sovrinni qo'lga kiritgan — jumladan, Argentina chempionligi hamda Libertadores kubogida ikki marta g'alaba.
“Zamin”ni Telegramʻda oʻqing!
