Karlsen Sindarovni favorit, Gukeshni zaifroq deb baholadi
Ko‘p karra jahon chempioni Magnus Karlsen o‘zbekistonlik shaxmatchi Javohir Sindarovni Dommaraju Gukeshga qaraganda universalroq va kuchliroq o‘yinchi deb baholadi. Uning fikricha, Gukeshda o‘yinni tushunish borasida muayyan kamchiliklar bor, Sindarovda esa bunday muammolar deyarli kuzatilmaydi. Shuningdek, Karlsen hatto Sindarov jahon chempioni bo‘lgan taqdirda ham, o‘zining klassik shaxmat bo‘yicha jahon toji uchun kurashga qaytmasligini ta’kidladi. Ushbu e’tirof Sindarovning xalqaro maydondagi nufuzini yanada oshirib, uni yangi avlodning asosiy yetakchilaridan biri sifatida ko‘rsatdi.
Jahon shaxmat yulduzi, koʻp karra chempion Magnus Karlsen Javohir Sindarov va Dommaraju Gukesh oʻrtasidagi raqobat haqida oʻz fikrlarini bildirdi. Uning soʻzlari shaxmat jamoatchiligida katta muhokama uygʻotdi.
Karlsenga koʻra, hozirgi holatda Sindarovni ochiq-oydin favorit sifatida koʻrmaslik qiyin. Uning fikricha, jahon chempionligi uchun kurashda har qanday natija mumkin, ammo eng qiziq jihat — Sindarovning yaqin kelajakda qanday oʻyin koʻrsatishi.
Norvegiyalik grossmeyster Sindarov va Gukesh oʻrtasidagi farqni ham izohladi. Uning taʼkidlashicha, Gukeshda oʻyinni anglash borasida baʼzi aniq kamchiliklar seziladi, Sindarovda esa bu muammo deyarli koʻrinmaydi. Shu sabab u oʻzbekistonlik shaxmatchini ancha universal deb baholadi.
"Sindarov Gukeshdan ancha farq qiladi. Gukeshda oʻyinni tushunish borasida aniq koʻrinadigan kamchiliklar bor, Sindarovda esa bu unchalik sezilmaydi. U ancha universal shaxmatchi", — dedi Karlsen.
Karlsen yana bir muhim fikrni ham bildirdi: agar Sindarov jahon chempioni boʻlsa ham, bu uni klassik formatdagi jahon toji uchun qayta kurashga qaytishga undamaydi. Uning aytishicha, u hozir faqat oʻzi qiziqqan musobaqalarda ishtirok etadi.
“Men qarorlarimni boshqalarning kutuvlariga qarab emas, oʻz xohishimga koʻra qabul qilaman. Men oʻz maqsadlarimga erishganman, klassik jahon chempionati meni endi qiziqtirmaydi,” degan Karlsen.
Qisqasi, Karlsenning bu bayonoti Sindarovga boʻlgan ishonchni yanada oshirdi va uni jahon shaxmatidagi yangi avlod yetakchilaridan biri sifatida koʻrsatdi.
Izohlar 0
…