Argentina klubi «River Pleyt» bosh murabbiyi Marselo Galyardo jamoani tark etishga qaror qildi. Bu haqdagi bayonot klubning rasmiy saytida e’lon qilindi. Bu haqda euro-football.ru xabar beradi.
Mutaxassis mamlakat chempionati doirasida «Banfild»ga qarshi uchrashuvdan so‘ng lavozimini topshiradi. O‘yin 26 fevral kuni bo‘lib o‘tadi. Uning ixtiyoriy iste’fosi jamoaning so‘nggi natijalari qoniqarsiz bo‘layotgani bilan izohlanmoqda: hozir «River Pleyt» turnir jadvalida 10-o‘rinda bormoqda.
Galyardo murabbiylik faoliyati davomida «River Pleyt» bilan ikki bor ishlagan. U 2014–2022 yillar oralig‘ida klub bilan 14 ta sovrinni qo‘lga kiritdi, jumladan mamlakat chempionligi hamda Libertadores kubogida ikki marta g‘alaba qozondi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
