«Yuventus» bosh murabbiyi Luchano Spalletti jamoa darvozaboni Mikеле di Gregorio atrofidagi tanqidlarga munosabat bildirib, futbolchini himoya qildi. Bu haqda euro-football.ru xabar beradi.
28 yoshli golkiper so‘nggi uchrashuvlardagi muvaffaqiyatsizliklarning asosiy sababchilaridan biri sifatida ko‘rilmoqda. Turin klubi oxirgi to‘rt o‘yinning uchtasida mag‘lub bo‘ldi va bu oraliqda 12 ta gol o‘tkazib yubordi.
«Tanqidga xotirjam munosabat bildirishni o‘rganishimiz kerak — hammasi shundan boshlanadi. Nima bo‘lishini taxmin qilishni bas qilish lozim. Mas’uliyat har birimizda: barchamiz tanqidning o‘z ulushini qabul qilamiz», — dedi Spalletti matbuot anjumanida di Gregorio haqidagi savolga javob berarkan.
Bugun «Yuventus» Chempionlar ligasi pley-off bosqichi javob o‘yinida o‘z maydonida «Galatasaray»ni qabul qiladi. Ilk uchrashuv turinliklar uchun yirik hisobdagi mag‘lubiyat bilan yakunlangan — 2:5.
“Zamin”ni Telegramʻda oʻqing!
