Rossiya terma jamoasining sobiq futbolchisi Igor Semshov PSJ darvozaboni Matvey Safonovning jamoadagi o‘rniga to‘xtaldi. So‘nggi paytlarda maydonga aynan rossiyalik posbon tez-tez tushmoqda, Lyuka Shevale esa zaxirada qolmoqda. Bu haqda euro-football.ru xabar beradi.
Semshov fikricha, Safonov raqobatda munosib tarzda ustun kelgan va hozir PSJning asosiy darvozaboniga aylangan. U Donnarumma ketganidan keyin Safonovning “birinchi raqam” maqomi yanada mustahkamlanganini ta’kidladi. «Matvey PSJda raqobatni ish bilan yutdi. Menimcha, hozir u birinchi raqam. Ayniqsa, Donnarumma ketganidan keyin. Nega unga avvalroq ishonch bildirishmagan — bu alohida savol», — deya Semshovning so‘zlarini Metaratings keltiradi.
Chorshanba kuni PSJ Chempionlar ligasida o‘z maydonida “Monako”ni qabul qiladi. Uchrashuv tafsilotlarini LiveResult portali orqali matnli translyatsiyada kuzatish mumkin.
Eslatib o‘tamiz, o‘tgan haftada PSJ safarda “Monako”ni 3:2 hisobida mag‘lub etgandi. O‘yin davomida parijliklar ikki to‘p farqi bilan ortda qolib ketgan bo‘lsa-da, kambek amalga oshirgandi.
“Zamin”ni Telegramʻda oʻqing!
