«Barselona» himoyachisi Erik Garsiya jamoaning o‘yin falsafasi haqida fikr bildirib, kataloniyaliklar tanlagan yo‘l to‘g‘ri ekaniga qat’iy ishonishini aytdi. Bu haqda euro-football.ru xabar beradi.
Garsiyaning ta’kidlashicha, «Barselona»ning g‘oyasi va futboli unga juda yaqin: u jamoasini eng kuchli deb biladi. Shu bilan birga, buni faqat maydondagi natijalar bilan isbotlash kerakligini ham qo‘shimcha qildi. Himoyachi klub Chempionlar ligasida g‘alaba va boshqa sovrinlar uchun kurashishga qodir, deb hisoblaydi.
La Liganing 25-turidan keyin «Barselona» 61 ochko bilan turnir jadvalida peshqadamlik qilmoqda. Ikkinchi o‘rindagi «Real»dan farq — atigi 1 ochko.
Kataloniyaliklar 28-fevral, shanba kuni 26-tur uchrashuvida «Vilyarreal»ni qabul qiladi. O‘yin 20:15 da (Toshkent vaqti bilan) boshlanadi.
Avvalroq Garsiya «Barselona» 0:4 hisobidagi mag‘lubiyatdan keyin ham vaziyatni o‘nglashiga ishonishini bildirgan edi.
“Zamin”ni Telegramʻda oʻqing!
