Myunxenning “Bavariya” jamoasi bosh murabbiyi Vensan Kompani darvozabon Manuel Noyer Dortmundning “Borussiya”si bilan bo'ladigan yaqin uchrashuvda maydonga tushishi mumkinmi, degan savolga izoh berdi. Bu haqda euro-football.ru xabar beradi.
39 yoshli germaniyalik posbon avvalroq jarohat sabab “Ayntraxt”ga qarshi bahsni o'tkazib yuborgandi (3:2).
“Manu bilan vaziyat yomon emas. Biz u uzoqroq muddat safdan chiqadi, deb o'ylagandik. Ehtimol, u bugun biz bilan mashg'ulotga qo'shilar, keyin yana ko'ramiz. Men u bilan yana bir bor gaplashmoqchiman”, — dedi Kompani Bayern & Germany keltirgan iqtibosda.
Mutaxassisning qo'shimcha qilishicha, agar Noyer uchrashuvda o'ynay olmasa, uning o'rnini so'nggi o'yinlarda o'zini yaxshi ko'rsatgan Urbig egallaydi.
Bundesliganing 24-turi doirasidagi “Borussiya” — “Bavariya” uchrashuvi 28 fevral kuni bo'lib o'tadi. Start hushtagi 22:30 da (Toshkent vaqti bilan) yangraydi.
“Zamin”ni Telegramʻda oʻqing!
