Saudiya Arabistoni chempionatida «Al-Hilol» hali mag'lub bo'lmadi, biroq so'nggi duranglar seriyasi jamoani turnir jadvalida uchinchi pog'onagacha tushirib yubordi. Bu haqda euro-football.ru xabar beradi.
La Repubblica xabariga ko'ra, mamlakatda bosh murabbiy Simone Indzagi atrofida iste'foga oid gap-so'zlar kuchaygan. Manbada ta'kidlanishicha, «Al-Hilol» muxlislarining bir qismi italiyalik mutaxassisga qarshi chiqmoqda.
Shunga qaramay, Indzagining o'zi vaziyatga sokin qaramoqda: uning shartnomasi 2027 yilning o'rtalarigacha mo'ljallangan va muddatidan oldin bekor qilinsa, katta miqdordagi kompensatsiya ko'zda tutilgan.
Simone Indzagi maoshi bo'yicha dunyodagi eng ko'p haq oladigan murabbiylar orasida ikkinchi o'rinda turadi — undan yuqorida faqat Diyego Simeone. Indzagining yillik maoshi 26 million yevroni tashkil qiladi.
“Zamin”ni Telegramʻda oʻqing!
