Mali terma jamoasi bosh murabbiyi Tom Sainfyet Rossiyaga qarshi o‘rtoqlik uchrashuvida imkon qadar eng kuchli tarkibda maydonga tushishni xohlayotganini aytdi. BetBoom doirasidagi o‘yin 31 mart kuni Sankt-Peterburgdagi stadionda bo‘lib o‘tadi. Bu haqda euro-football.ru xabar beradi.
Sainfyetning ta’kidlashicha, hamma futbolchilar safda bo‘lish-bo‘lmasligi hozircha noma’lum, biroq u Afrika millatlar kubogida maydonga tushgan tarkibga yaqin jamoani olib kelishni rejalashtirmoqda. Murabbiy Ivv Bissuma, El-Bilal Ture, Nene Dorgeles, Kamori Dumbia, Lassine Sinayoko va Natan Gassama kabi futbolchilarni tilga oldi.
Valeriy Karpin boshchiligidagi Rossiya terma jamoasi FIFA reytingida 36-o‘rinda, Mali esa 54-pog‘onada joylashgan. Ushbu jamoalar avval hech qachon o‘zaro to‘qnash kelmagan. Mart oyida rossiyaliklar Mali bilan birga Nikaragua terma jamoasiga qarshi ham maydonga tushadi.
“Zamin”ni Telegramʻda oʻqing!
