2009 yil oktyabrida Qozonning «Rubin» klubi Chempionlar ligasida kutilmagan natija qayd etib, «Kamp Nou»da «Barselona»ni 2:1 hisobida mag'lub etgandi. O'sha uchrashuvda jamoa safida to'p surgan Kristian Noboa keyinchalik bu g'alaba uchun berilgan mukofot pullari haqida esladi. Bu haqda euro-football.ru xabar beradi.
Noboaning so'zlariga ko'ra, bu uning faoliyatidagi eng yirik premiyalar bo'lgan: har bir futbolchiga 80 ming dollar to'langan. Bu haqda u «Sport-Ekspress»ga bergan izohida ta'kidlagan.
Yarim himoyachi o'sha mablag'ni biror narsa sotib olishga sarflamaganini, aksincha, jamg'arib qo'yganini aytdi — o'zi aytganidek, o'shanda ham ancha mulohazali yigit bo'lgan.
Eslatib o'tamiz, 2009/2010 yilgi Chempionlar ligasi guruh bosqichida «Rubin» o'z kvartetida uchinchi o'rinni egallagan. Guruhda «Barselona» va «Inter» yuqoriroq pog'onalarda yakunlagan bo'lsa, Kiyevning «Dinamo»si eng pastda qolgan.
“Zamin”ni Telegramʻda oʻqing!
