Osiyo Chempionlar ligasida «Shanxay Shenshua» yetti turdan so‘ng pley-offga chiqish imkoniyatini yo‘qotgandi. 8-turda Leonid Slutskiy jamoasi «Buriram Yunayted»ga qarshi o‘yin orqali turnir bilan xayrlashish oldidan hech bo‘lmasa munosib yakun yasashga urindi, biroq bu amalga oshmadi. Bu haqda euro-football.ru xabar beradi.
Uchrashuv 0:2 hisobida taylandliklar foydasiga yakunlandi. «Buriram Yunayted» birinchi bo‘limning dastlabki daqiqalaridayoq ikki marta raqib darvozasini ishg‘ol qildi: 11-daqiqada Gud Kertis, 22-daqiqada esa Suphanat Mueanta gol urdi.
Tez orada «Shanxay Shenshua» bir futbolchiga kam bo‘lib qoldi va bu holat o‘yindagi intriga deyarli yo‘qolishiga olib keldi.
Ma’lumot uchun, Leonid Slutskiyning «Shanxay Shenshua» bilan amaldagi shartnomasi 2027 yil oxirigacha mo‘ljallangan.
“Zamin”ni Telegramʻda oʻqing!
