Osiyo futbol konfederatsiyasi (OFK) mintaqaviy Osiyo Chempionlar Ligasi doirasidagi bir qator uchrashuvlar o‘tkazilish joyi o‘zgartirilganini ma’lum qildi. Avval Abu-Dabi, Dubay va Dohada bo‘lib o‘tishi kerak bo‘lgan o‘yinlar boshqa muddatga qoldirildi. Bu haqda euro-football.ru xabar beradi.
Qarorga Eron, AQSH va Isroil o‘rtasidagi harbiy keskinlik sabab bo‘ldi. Xabarda aytilishicha, Eron snaryadlari qo‘shni davlatlar hududiga ham yetib borayotgani, u yerlarda esa AQSH harbiy bazalari joylashgani xavotirni kuchaytirdi.
OFK bayonotida tashkilot vaziyatni yaqindan kuzatishda davom etishi, futbolchilar, jamoalar, rasmiylar va muxlislar xavfsizligi ustuvor ekani ta’kidlandi.
Uchrashuvlar 2 va 3 mart kunlari o‘tkazilishi ko‘zda tutilgandi. Hozircha yangi sanalar yoki o‘yinlar bo‘lib o‘tadigan manzillar e’lon qilinmadi.
“Zamin”ni Telegramʻda oʻqing!
