Osiyo futbol konfederatsiyasi (OFK) mintaqaviy Osiyo Chempionlar Ligasi doirasida Abu-Dabi, Dubay va Dohada o'tkazilishi kerak bo'lgan uchrashuvlar boshqa vaqtga ko'chirilganini ma'lum qildi. Bu haqda euro-football.ru xabar beradi.
Qarorga Eron, AQSh va Isroil o'rtasidagi harbiy keskinlik sabab bo'ldi. Xabarda aytilishicha, Eron tomonidan uchirilayotgan snaryadlar qo'shni davlatlar hududiga ham yetib bormoqda, u yerda AQSh harbiy bazalari joylashgan.
OFK bayonotida tashkilot vaziyatni diqqat bilan kuzatib borishi va futbolchilar, jamoalar, rasmiylar hamda muxlislar xavfsizligini ta'minlash masalasida qat'iy pozitsiyada qolishi ta'kidlandi.
O'yinlar 2–3 mart kunlari o'tkazilishi ko'zda tutilgandi. Hozircha uchrashuvlarning yangi sanasi yoki o'tkaziladigan joyi e'lon qilinmadi.
“Zamin”ni Telegramʻda oʻqing!
