2 782
Bugun OCHL musobaqasiga yoʻllanma olgan va ligani tark etadigan klub nomi maʼlum boʻladi
Bugun Superliga joriy mavsumining soʻnggi 26-tur uchrashuvlari oʻtkaziladi. Stadionlardagi yettita bahsdan keyin chempionat bayroqlari rasman tushiriladi.
Barcha uchrashuvlar bir vaqt 15:00da boshlanishi rejalashtirilgan. Koʻpchilik muxlislarning diqqat-eʼtibori Toshkent, Qarshi va Buxorodagi oʻyinlarga qaratiladi.
“Milliy” stadionda “Bunyodkor” va “Soʻgʻdiyona” OCHL yoʻllanmasi va chempionatning bronza medallari uchun kurash olib borishadi. Vadim Abramov va Ulugʻbek Baqoyev shogirdlari oʻrtasidagi uchrashuv shiddatli oʻtishi aniq.
Buxoro va Qarshida esa ligada qolish uchun kurash kechadi. Joriy mavsumda oʻz maydonida bor yoʻgʻi bitta bahsda gʻalaba qozongan “Buxoro” jamoasi soʻnggi turda AGMKga qarshi saf tortadi. Muhsin Muhammadiyev va Mirjalol Qosimov murabbiyligidagi klublar oʻrtasidagi uchrashuv Superligada qoladigan jamoani aniqlab beradi. “Dinamo” Qarshidagi oʻyinda ochko olish bilan birga AGMKning Buxorodan muvaffaqiyat bilan qaytishiga ham umid qilishga majbur. “Dinamo”ning taqdiri eng avvalo “Buxoro”ning oʻyiniga bogʻliq. “Buxoro” va “Dinamo”da hozirda 21 ochkodan mavjud, oʻzaro bahsdagi ustunlik esa buxoroliklar tomonda.
Shuningdek, Samvel Babayan boshchiligidagi “Lokomotiv”ning “Paxtakor”ga qarshi uchrashuvi ham turnir jadvali uchun ahamiyatsiz boʻlsa-da, ikki jamoa uchun muhim. Qolaversa, Qoʻqonda “vodiy derbisi”, Bekobodda “Metallurg” – “Surxon”, Andijonda “Andijon” – “Qizilqum” uchrashuvlari oʻtkaziladi.
Superliga. 26-tur
30-noyabr, shanba
“Andijon” - “Qizilqum”
Bosh hakam: Viktor Serazitdinov
“Lokomotiv” - “Paxtakor”
Bosh hakam: Elyor Tursunov
TV-translyatsiya: “Oilaviy”
“Nasaf” - “Dinamo”
Bosh hakam: Vadim Agishev
TV-translyatsiya: “Mahalla”
“Buxoro” - AGMK
Bosh hakam: Jasur Muxtorov
TV-translyatsiya: “Dunyo boʻylab”
“Metallurg” - “Surxon”
Bosh hakam: Ravshan Abduvohidov
“Qoʻqon-1912” - “Navbahor”
Bosh hakam: Zokir Qodirov
“Bunyodkor” - “Soʻgʻdiyona”
Bosh hakam: Temur Toʻxtasinov
TV-translyatsiya: “Sport” “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
2024 yilga subsidiya miqdori belgilandi
Toshkent viloyatida muqaddam 8 marotaba sudlangan “soxta operator” qayta jinoyatga qo‘l urdi
Iroq U-23 ustozi Radhi Shenaishil: "Qo‘l ostimdagi barcha futbolchilar Olimpiadaga borishga munosib"
Kolumbiya Isroil bilan diplomatik aloqalarni uzdi
Shifokor kartoshkaning ayrim zararlarini ochiqladi
Ronaldu "Al Nassr"ni Qirol kubogi finaliga olib chiqdi
Shomurodov navbatdagi uchrashuvda antiqa rekord o‘rnatadi