Google kompaniyasi oʻzining Street View xizmatini Project Genie sunʼiy intellekt modeli bilan integratsiya qildi. Bu yangilik foydalanuvchilarga real dunyo koʻchalarini interaktiv tarzda modellashtirish va ularda turli oʻzgarishlarni, masalan, ob-havo sharoitlarini sunʼiy ravishda sozlash imkonini beradi. Bu haqda Techcrunch.com xabar beradi.
Google DeepMind tadqiqotchisi Jek Parker-Holderning taʼkidlashicha, ushbu texnologiya robototexnika sohasida katta ahamiyatga ega. Masalan, robotlarni quyosh nuri yoki qorli ob-havo kabi kam uchraydigan sharoitlarga oldindan tayyorlash uchun real muhitni simulyatsiya qilish mumkin.
Google soʻnggi 20 yil davomida 110 ta mamlakatdan 280 milliarddan ortiq tasvirni toʻplagan. Ushbu ulkan maʼlumotlar bazasi Genie 3 modeli bilan birlashtirilganda, nafaqat oʻyinlar yoki taʼlim uchun, balki Waymo avtonom boshqaruv tizimlarini murakkab vaziyatlarga oʻrgatish uchun ham samarali vositaga aylanadi.
Genie 3 modeli foydalanuvchilarga matnli soʻrovlar yoki tasvirlar yordamida interaktiv dunyolarni yaratish imkonini beradi. Street View maʼlumotlarining qoʻshilishi esa simulyatsiyalarni yanada realistik va turli nuqtayi nazarlardan, jumladan, piyodalar yoki robotlar nigohi bilan kuzatish imkonini yaratadi.
“Zamin”ni Telegramʻda oʻqing!
