Milliy tibbiyot markazi ginekologiya bo‘limi boshlig‘i, oliy toifali shifokor Malika Rizayeva xotin-qizlar salomatligini mustahkamlash borasidagi islohotlar haqida quyidagilarni gapirib berdi.
Xotin-qizlar qanday patronaj va skrining tekshiruvlaridan o‘tishi kerak?
Xastalikni davolagandan ko‘ra uning oldini olgan afzal. Bu tamoyil bugun yurtimiz tibbiyotidagi ustuvor vazifaga aylangan.
Shu sababli mamlakatimizda aholi salomatligini muhofaza qilish uchun maqsadli tibbiy ko‘riklar tashkil etilmoqda. Xususan, xotin-qizlar sog‘ligini asrash, reproduktiv salomatlikni muhofaza qilish maqsadida ular muntazam ravishda patronaj va skrining tekshiruvlaridan o‘tkaziladi.
– Xususan, birlamchi tibbiy-sanitariya muassasalari faoliyati doirasida 35–55 yoshli ayollar skrining dasturlari bilan qamrab olinadi. Bunda oila shifokori tomonidan 3 yilda 1 marta ularda bachadon bo‘yni saratoni skriningi o‘tkazilishi ko‘zda tutilgan, – deydi Milliy tibbiyot markazi ginekologiya bo‘limi boshlig‘i, oliy toifali shifokor Malika Rizayeva. – Shuningdek, ushbu toifadagi ayollarda tor soha mutaxassisi (ginekolog) ko‘rigi, laborator va kolposkopiya kabi instrumental tekshiruvlar olib boriladi.
45-65 yoshli ayollarda oila shifokori tomonidan 2 yilda 1 marta ko‘krak bezi saratoni skriningi o‘tkaziladi. Bunda ularda tor soha mutaxassisi (onkolog) ko‘rigi, mammografik instrumental tekshiruvlar amalga oshiriladi.
15-49 yoshli xotin-qizlarda esa oila shifokori tomonidan muntazam profilaktik ko‘riklar, homiladorlikka monelikni aniqlash bo‘yicha tekshiruvlar yilda bir marta o‘tkaziladi.
Ularda ginekolog va boshqa tor soha mutaxassislari tomonidan ko‘rsatmaga asosan ko‘riklar tashkil etiladi. Qonning umumiy tahlili laborator sharoitda tekshirilishi ham skrining dasturlari doirasiga kiritilgan.
Patronaj xizmati doirasida tibbiy brigada doyasi tomonidan homilador ayollarda 2 marta – homilaning 12- va 32-haftaliklarida tekshiruv amalga oshiriladi.
Tug‘uruqdan keyingi chilla davridagi ayollar esa tibbiy brigada doyasi tomonidan tug‘uruqxonadan uyga kelganda 3 kun ichida, uning 15- va 30-kunida — jami 3 marta tibbik ko‘rikdan o‘tkaziladi.
Milliy tibbiyot markazi
Axborot xizmati
“Zamin” yangiliklarini “Youtube”da kuzatib boring
Axborot xizmati
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Italiya sudi Quddus Isroil poytaxti emasligi haqida qaror chiqardi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
2026 yilda bo‘lajak mundialning favoritlari reytingi taqdim etildi
Xalqaro jinoyat sudining orderi Isroilni nega qo‘rqityapti?
22 noyabr kuni Cobalt avtomobiliga shartnoma ochilishi e’lon qilindi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
