«Tig‘iz vaqt 4» Warner Bros. nomidan davomini chiqaradigan Paramountda uy topdi. Brett Ratnerning janjallari tufayli 18 yil davomida javonda chang bosib yotgan loyiha original duet bilan qaytadi. Jeki Chan va Kris Taker yana inspektor Li va detektiv Karterga aylanadi.
Qizig‘i shundaki, Donald Tramp aralashmaguncha loyihadan hamma voz kechgan. Semafor ma’lumotlariga ko‘ra, prezident Paramount rahbari Devid Ellisonga shaxsan bosim o‘tkazib, 80-90 yillardagi komediya jangari filmlarini jonlantirishga harakat qilgan.
Suratga olish ishlari kelgusi yilda boshlanishi mumkin, ammo hali reliz sanasi belgilanmagan. Eslatib o‘tamiz, original trilogiya 850 million dollar yig‘di, Jeki Chan esa 71 yoshida hamon tomdan sakrashga tayyor. Bundan tashqari, u xavfli tryuklardan voz kechmoqchi emas.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
