“Рома”нинг ўзбек қаҳрамони! Шомуродовнинг голидан кейин римликлар нима деб ёзишяпти?

Кеча "Рома"нинг катта ўйини бўлди. Ҳамма уни кузатди. "Ювентус"га қарши кечган қарама-қаршилик нафақат кучли драматургия, балки Ўзбекистон учун ҳам ғурур келтирди. Нега дейсизми? Чунки Элдор Шомуродов майдонга тушди ва супергол урди!

Бу зарба нафақат "Рома"га муҳим очко олиб келди, балки жамоанинг Европа Чемпионлар лигаси учун курашиш имкониятини ҳам сақлаб қолди. Энди эса Италия пойтахтида Шомуродов ҳақида тўхтовсиз сўз кетмоқда. Клубнинг ижтимоий тармоқларидаги расмий саҳифаларида римлик ишқибозлар ўз эҳтиромларини изҳор қилишяпти.

Мана, "Рома" мухлислари Шомуродов ҳақида нима дейишмоқда:

Alessandro Muzi:
Элдор керак бўлган пайда доим ўз ўрнида, бизнинг ўзбекка гап йўқ!

David la Gamba:
Яхшиям Шомуродов бор экан...

Father and Son Football:
Раньери имкон берди, Элдор ишончни оқлади.

Mario Ianniccari:
40 миллион евро тўланган ўйинчидан 20 миллион евроли футболчи фойдали чиқиб қолди.

Elisabetta Abbrugia:
Шомуродов ёрдамга ҳар доим тайёр.

Emiliano Minnucci:
Шомуродовга умрбод давом этадиган шартнома беринг!

Massimiliano Fratocchi:
Шомуродовнинг имкониятларига ишонган кам сонли мухлисларданман. Мана ҳақиқий футболчи!

Piero Iegre:
Элдор майдонга тушиши билан борини бериб ўйнайди. Ҳужум уюштиради, ҳимояга қайтади...

Paolo Barabani:
Довбикка қараганда, Шомуродов яхшироқ. Бизнинг Клаудио Раньери Элдорнинг кераклигини фақат ютқазаётганимизда тушуниб етади.

Stefano Tordi:
Элдорнинг голи хурсанд қилди, иккинчи бўлимда яхши ўйнадик.

Stefano Pizzi:
Элдор “Рома” халоскори.

Michele Annucci:
Элдор жамоа учун муҳим фигурага айланмоқда, Довбик яхши ўйнай бошлади. Кўп нарса мана шу икки ҳужумчига боғлиқ.

Thomas Newkirk:
Раньери Шомуродовни қачон майдонга туширишни билади. Шунинг учун ҳам мухлислар бу мураббийни яхши кўради.

Wong Ricky:
Бу голдан кейин Шомуродовнинг номи туширилган “Рома” формасини сотиб оламан!

Gianluca Burchielli:
Жанговар дуранг, адолатли натижа. Энди икки ҳужумчи билан ўйнашга ўтиш керак. Элдор Шомуродовни бошланғич таркибда ўйнатадиган вақт келди. Унинг кетишига йўл қўймаслик керак.

Mersia De Cesare:
Элдор Шомуродов қийин пайтда майдонга тушди, гол урди ва “Рома”ни юқори ўринларда бўлишга лойиқлигини исботлади.

Paul Mathers:
Шомуродов кейинги ўйинни илк дақиқадан бошлашга лойиқ натижа кўрсатди. Бу дуранг унинг хизматлари самараси. Кураш давом этади...

Zamin.uz фикри: Элдор Шомуродов нафақат ўз голи билан, балки мўъжизавий қайтиши, ақл-заковати ва сўнмас истеъдоди билан ҳам Италияда муҳаббат қозонмоқда. Эндиликда “Рома”да фақат бир нарса қолди — Элдорга тўлиқ ишонч ва асосий таркиб! «Замин»ни Telegram’да ўқинг!