Ўзбекистон терма жамоасига жаҳон чемпионатига йўлланма "берилди"

Тожикистоннинг "Истиқлол" клуби бош мураббийи Игорь Черевченко Ўзбекистон терма жамоасининг 2026 йилги жаҳон чемпионати финал босқичига чиқиш эҳтимоли ҳақида фикр билдирди.

Ўзбекистон терма жамоаси ЖЧ-2026нинг Осиё саралаш босқичи А гуруҳи турнир жадвалида 17 очко билан иккинчи ўринни эгаллаб турибди, БАА терма жамоасидан тўрт очко олдинда.

"Ўзбекистонда яхши клубларда тўп сурадиган футболчилар кўп. Фақат Хусановни олинг – уни "Манчестер Сити" 50 миллион евро эвазига сотиб олди. Лекин бутун жамоа жуда яхши, кучли таассурот қолдирмоқда.

Гуруҳ осон эмас – Эрон, Қатар, БАА каби Осиёнинг кучли жамоалари бор. Шунга қарамай, Ўзбекистон терма жамоаси кейинги турдаёқ вазифасини ҳал қилиши ва жаҳон чемпионатига чиқиши мумкин. Иккита ўйинда камида битта очко олишади.

Ўзбекистон постсовет ҳудудидан жаҳон чемпионатида иштирок этадиган ягона республикага айланиши мумкин. Уларни кузатиб бориш қизиқ", – деб Черевченко сўзларини келтиради "Чемпионат".

Жаҳон чемпионати – 2026 мусобақасига йўлланмани кафолатли қўлга киритиш учун Ўзбекистон терма жамоасига БАА ва Қатарга қарши саралашнинг сўнгги икки ўйинида камида битта ғалаба зарур. Ушбу ўйинлар 5 ва 10 июн кунлари бўлиб ўтади.

Футбол