Узгидромет кучли ёмғирлар ва селлар ҳақида огоҳлантирди

13 апрелдан 18 апрелгача Ўзбекистоннинг тоғ олди ва тоғли ҳудудларида узоқ давом этадиган ва кучли ёмғирлар кутилмоқда, деб Kursiv.media хабар берди.

«Узгидромет» маълумотига кўра, мазкур кунларда сел оқимлари ва тошқинлар юзага келиши мумкин. Бу ҳолат айниқса релефи мураккаб ҳудудларда содир бўлиши эҳтимолдан холи эмас.

Энг катта хавф Қашқадарё, Сурхондарё, Самарқанд, Навоий, Жиззах, Тошкент, Наманган, Фарғона ва Андижон вилоятларининг айрим ҳудудларида юзага келиши мумкин. Жумладан, Шаҳрисабз, Ургут, Олмалиқ, Ангрен ва Хонабод каби туристик шаҳарлар ҳам хавфли зоналар сифатида қайд этилмоқда.

Мутасаддилар огоҳлантиради: кучли ёмғирлар туфайли йўллар, аҳоли яшаш пунктлари ва қишлоқ хўжалиги ерларида сув тўпланиб, чўкмалар ва селлар келиб чиқиши мумкин. «Замин»ни Telegram’да ўқинг!