1 384
Россияда аҳолини кўпайтиришга қаратилган анъанавий тарғибот, абортларга чекловлар ва “катта оила” сиёсати реал самара бермаяпти. Бу ҳақда “Росстат”нинг сўнгги маълумотлари гувоҳлик бермоқда.
2025 йилнинг январ–феврал ойларида туғилиш 3 фоизга камайган, 195,4 минг чақалоқ дунёга келган. Фақат февралда ўзидаёқ пасайиш 7,6 фоизни ташкил этган — бу ўтган йилнинг шу ойига нисбатан 7,4 минг болага кам.
“Бу 200 йилдаги энг паст даража”
Демография бўйича мутахассис Алексей Ракшанинг таъкидлашича, февралда қайд этилган туғилиш кўрсаткичи охирги икки асрда кузатилган энг паст натижадир. У мартда ҳам ушбу антирекорд такрорланганини билдирган.
“2025 йилнинг биринчи чораги XVIII–XIX асрлардан бери энг паст туғилиш кўрсаткичини қайд этди,” — дейди Ракша.
Минтақаларда чуқур инқироз
Баъзи вилоятларда вазият бутунлай аянчли:
Смоленск областида туғилиш 26,6% камайди,
Кострома – 21,6%,
Карелия – 19,4%,
Архангелск – 18,7%.
Шу билан бирга, ўлим даражаси ҳам пасайган (5,2%), лекин бу туғилишдаги кескин қулашни қоплай олмади: январ–февралда Россия аҳолиси 118,8 минг кишига қисқарди.
2046 йилга келиб — 130 миллион аҳоли?
“Росстат”нинг расмий прогнозига кўра:
2046 йилда Россия аҳолиси 138,8 миллионга тушади,
пессимистик сценарийда эса — 130 миллионга.
Бу эса 1897 йилдаги Россия империяси аҳолиси даражасига тенг.
Рақамлар тилга келмоқда:
2024 йилда туғилиш — 1,222 млн бола (1999 йилдан бери энг паст кўрсаткич)
2014 йилдан бери пасайиш — 30%
2016–2024 йиллар мобайнида аҳоли табиий йўқотиши — 3 млн киши
Ҳар йили аҳоли сони ўртача — 500 мингга камаймоқда
Сиз нима деб ўйлайсиз — Россия демографик инқироздан чиқишнинг қайси йўлини топиши мумкин?
«Замин»ни Telegram’да ўқинг!
12:20, 3-04-2025
