Украина қурол ишлаб чиқаришни 3 баробар оширди — янги ракеталар, дронлар ва “Богдана”

Украина 2024 йилда қурол ишлаб чиқариш ҳажмини уч баробар оширди. Бу ҳақда стратегик саноат вазири Герман Сметанин маълум қилди.

Унинг сўзларига кўра, 2023 йилдаги 3 миллиард долларлик ҳажм 2024 йилда 9 миллиард долларгача ўсган.

“2022 йилда — 1 млрд, 2023 йилда — 3 млрд, 2024 йилда — 9 млрд доллар. Бу — уч йилдаги 9 баробар ўсиш,” — деди Сметанин.

Ракета ишлаб чиқариш 8 баробарга ошди
Сметанин таъкидлашича, 2024 йилда янги қанотли ракеталар ва дронлар ишлаб чиқариш бошланган. Улар орасида:

- «Паляниця»,
- «Пекло»,
- «Рута»,
- ва «Барс».

Ишлаб чиқариш ҳажми 2023 йилга нисбатан 8 баробарга кўпайган. Илгариги ягона қанотли ракета — «Нептун» бўлган.

Артиллерия, дрон, бронетехника — барчасида ўсиш

• Артиллерия ва миномёт ўқ-дори — 2,4 баробар кўп ишлаб чиқарилган.
  
• «Богдана» ўзиюрар артиллерия қурилмасининг янги тиркамали версияси тайёрланган.
  
• ЎАҚ ишлаб чиқариш — 3 баробарга ошган.
  
• Зирҳли техникалар ишлаб чиқариш қуввати — 50% гача тўлдирилган.
  

Мақсад: 35 миллиард долларлик мудофаа саноати
Сметанинга кўра, Украина мудофаа саноати 2024 йилда 20 млрд долларлик қурол ишлаб чиқариш имкониятига эга бўлган. 2025 йилда бу кўрсаткич 35 млрд долларга етиши мумкин.

Президент маслаҳатчиси Олександр Камишин эса ҳозирги кунда фронтда ишлатилаётган қуролларнинг 30–40 фоизи маҳаллий ишлаб чиқарилганини қайд этди.

“Бугунги кунда Қуролли кучлар эҳтиёжининг 30–40 фоизини ўз саноатимиз қоплаяпти.”

Сиз нима деб ўйлайсиз — Украина қурол саноатидаги бу суръат фронтдаги вазиятга қандай таъсир кўрсатади? «Замин»ни Telegram’да ўқинг!