Фото: Depositphotos
Instagram ижтимоий тармоқ фойдаланувчиларининг архивлардаги эски видеоларини скриншотларга алмаштириб қўймоқда. Мазкур янгилик кўплаб фойдаланувчилар ғазабига сабаб бўлди, чунки улар ижтимоий тармоққа ишониб, видеоларини телефон хотирасидан ўчириб ташлаган.
Тармоқ фойдаланувчилари Instagram тарихи (stories) архивларида ғалати ҳолатни пайқай бошлаган. Кўпчиликнинг таъкидлашича, эски видеолар автоматик равишда ўзгармас тасвирга айланиб қолган. Бундай ҳолат 2017 йилгача жойлаштирилган видеоларга тааллуқли, айримларда эса 2022 йилги видеоларда ҳам шу каби муаммо кузатилган — улар тўлиқ видео ўрнига фақат биринчи кадрни кўрмоқда холос.
Фойдаланувчилар эндиликда ўз stories’лари архиви видеоархив эмас, худди скриншотлар жамланмасига ўхшаб қолганидан норози. Бу эса ҳаётидаги муҳим воқеаларни архивда сақлаганларнинг жаҳлини чиқармоқда.
«2017-2018 йилги барча видеолар қандайдир скриншотларга айланиб қолди», «Мени 2019 йилдан бошлаб жойлаган видеоларим юкланмаяпти, ахир у ерда шунча хотираларим сақланган эди», «Instagramʼни кўрарга кўзим йўқ. Шунча хотираларимни сақлаб келардим, энди эса ундан маъни йўқ», — деб ёзмоқда платформа фойдаланувчилари.
Instagram ҳозирга қадар мазкур ҳолат бўйича расмий баёнот бермади. Бу эса фойдаланувчилар ўртасидаги хавотирни янада оширмоқда. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Иммунитетни кўтариш учун 6 та энг яхши витамин
НАТО собиқ қўмондони: “Путин Украинанинг тахминан 20 фоизини қўлга киритади”
Украина ҚК бош қўмондони: “Фронтдаги вазият мураккаб ва кескинлашиши мумкин”
Томошабинлар нафратига учраган, саратонни енгган турк актрисаси — Ваҳиде Перчиннинг мураккаб тақдири
Россия Курск вилоятидаги ҳудудларини қайтариб олишга 50 минг ҳарбий тўплади
АҚШ Исроилга пули тўланган бульдозерларни бермади
Фронтдаги вазият: Россия ҳарбийлари Курск областида қарши ҳужумга тайёрланмоқда
Трампнинг ўғли Зеленский яқин орада «нафақадан» маҳрум бўлишини ёзди
