Россиянинг энг катта мағлубиятларидан бири...

Украина президенти Володимир Зеленскийнинг Россия газининг Украина орқали Европага транзитини тўхтатилиши бўйича фикрлари, Россиянинг энергия ресурсларига қарамликни қурол сифатида қўллаш сиёсатига қарши муҳим сиёсий қадам сифатида баҳоланмоқда. Бу ҳолат нафақат геосиёсий, балки энергетика бозорларида ҳам жиддий ўзгаришларни бошлагани билан аҳамиятлидир.

Зеленскийнинг асосий нуқталари қуйидагилардан иборат:

1, Россиянинг йирик мағлубияти:
Украина орқали Россия газининг Европага транзити 0 даражага тушди. Илгари бу кўрсаткич 130 миллиард куб метрдан зиёдни ташкил этган.

«25 йилдан кўпроқ вақт олдин Путинга Россияда ҳокимият берилганида, Украина ҳудуди орқали Европага йиллик газ етказиб бериш ҳажми 130+ миллиард куб метрни ташкил этган эди. Бугунги кунда Россия газининг транзити 0 га тенг», деди Зеленский.

2, Энергетика шантажига қарши кураш:
Россия ўз энергия ресурсларини сиёсий қурол сифатида ишлатишга уринишлари туфайли Европанинг асосий бозоридан маҳрум бўлди.

Украина президенти таъкидлаганидек, Россия энергия ресурсларини қуролга айлантириши ва шерикларини бемаъни энергия шантажи қилиши туфайли энг жозибали ва географик жиҳатдан қулай бозордан маҳрум бўлди.

3, Европанинг мослашуви:
Зеленский Европа давлатларининг Россия газига бўлган қарамликдан қутулишга муваффақиятли мослашаётганини таъкидлади.

«Ҳолатдан келиб чиқиб, Европа давлатларининг мутлақ кўпчилиги бу каби ўзгаришларга муваффақиятли мослашди... Биз европалик баъзи сиёсатчиларнинг ваҳимасига сабр билан туриб беришимиз керак, улар шаффоф энергетика сиёсати ўрнига Москва билан мафиози схемаларини афзал кўради», деди Зеленский.

4, Американинг роли ва келажак умидлари:
Зеленский, АҚШ томонидан қўллаб-қувватланаётган лойиҳалар ва янги манбалар билан Европага газ етказиб бериш ҳажми ошишига умид билдирди.

Украина раҳбари, шунингдек, Американинг янги сайланган президенти Доналд Трамп айтганидек, Европага газ етказиб бериш ҳажми ошишига катта умид билдирди. Зеленскийнинг қўшимча қилишича, «Ҳамкорлик ва бозордаги ҳамкорларнинг максимал таклифлари нархларни янада қулай қилади».

5, Украинанинг миллий хавфсизлиги:
Украина Россиянинг газ транзитига оид шартномани узайтирмаслик қарорига миллий хавфсизлик нуқтаи назаридан ёндашди.

Украина президентининг ишончи комилки, бозорда Европанинг ҳақиқий ҳамкорларидан газ қанча кўп бўлса, Европанинг Россияга энергия қарамлигининг сўнгги салбий оқибатлари шунчалик тез енгиб чиқилади.

Ушбу ўзгаришларнинг аҳамияти:

• Европа учун: Россиядан энергетик қарамликнинг камайиши нафақат сиёсий, балки иқтисодий жиҳатдан ҳам Европа давлатларига янги имкониятлар эшигини очмоқда.
  
• Украина учун: Газ транзитининг тўхтатилиши Киев учун стратегик ғалаба ҳисобланади, чунки у Россияга иқтисодий босим ўтказишда яна бир қадам ташлади.
  

Мазкур воқеа нафақат энергетика, балки геосиёсий кучлар мувозанатига жиддий таъсир кўрсатиши кутилмоқда.

2025 йил 1 январ куни Украина ўзининг газ транспорти тизими орқали Россия табиий газини Европага етказишни расман тўхтатди. Украина «Газпром» билан тузилган шу мазмундаги шартномани узайтирмади, бу миллий хавфсизлик манфаатларидан келиб чиққан ҳолда қилингани таъкидланмоқда. “Замин” янгиликларини “Telegram”да кузатиб боринг