Диссернет беш нафар тожик олимини кўчирмакашликда айблади

Номзодлик диссертацияларида кўчирмакашлик факти аниқланганидан сўнг икки нафар тожик тадқиқотчиси илмий унвонларидан маҳрум қилинди, деб ёзмоқда Tnews.uz сайти.

Тожик олимларининг кўчирмакашлигини «Диссернет» (тўла номи «Диссернет» тармоқ ҳамжамияти) — кўнгиллилик асосида ташкил этилган тармоқ ҳамжамияти аниқлади. Мазкур ҳамжамият асосан Россия илмий ва таълим доираларида ҳимоя қилинган номзодлик ва докторлик диссертацияларини жамоатчилик асосида экспертизадан ўтказиш билан шуғулланади.

2013 йилнинг январида фаол ҳаракатини бошлаган Диссернет 2010 йилдан 2017 йилгача ўз диссертацияларни ҳимоя қилган ва Россия ОАК томонидан илмий унвон олган беш нафар тожик олимини плагиатда ва бошқа илмий мақола ва аттестация ишлари матнларидан оммавий равишда виждонсизларча фойдаланганликда айблаб чиқди.

Диссернет ҳамжамиятининг Россия Федерацияси Таълим вазирлигига қилган мурожжатидан сўнг икки нафар тожик олими -юридик фанлари номзоди Зафар Тайфуров ва Душанебе шаҳар Мажлиси депутати, иқтисод фанлари доктори Назрулло Амировнинг илмий ишлари такроран кўриб чиқилди ва диссертация кенгаши қарорига асосан улар илмий унвонларидан маҳрум қилиндилар.

Диссернет ҳамжамияти фаоллари ўзларининг сайтида, Амиров Н.З. Гончарованинг 2008 йилдаги «Развитие рынка мясной продукции скотоводства в Российской Федерации: теория, методология, практика» (Россия Федарацияси чорвачиликда гўшт маҳсулотлари бозорининг ривожланиши: назария, методолгия ва амалиёт”) илмий ишини муаллифни кўрсатмаган ҳолда ўзлаштириб олгани аниқланганини билдирди. Диссернетнинг таъкидлашича, Амиров материалларни ўзлаштираётганда «Россия» сўзини «Тожикистон» га ўзгартирган. Назрулло Амиров 19 март куни баёнот бериб, докторлик унвонидан маҳрум қилиниши тушунмовчилик асосида юз берганини таъкидлади, бироқ Россия томони унинг фикрларига қулоқ солмади. “Замин” янгиликларини “Twitter”да кузатиб боринг