Лионел Месси футбол тарихида энг кўп гол урган футболчилар рўйхатида иккинчи ўринни эгаллаб турибди. Жума куни саккиз карра "Олтин тўп" соҳиби Ангола дарвозасига гол уриб, Аргентина терма жамоасига ўртоқлик ўйинида 2:0 ҳисобига ғалаба қозонишга ёрдам берди.
Ангола – Аргентина 0:2
Голлар: Мартинес 43, Месси 82
Аргентина – Рулли, Фойт, Ромеро, Таляфиано, Нико Гонсалес, Де Паул, Ле Челсо, Макаллистер (Перроне, 85), Мартинес (Лопес, 85), Алмада, Месси (Паничелли, 86)
Энди Мессининг фаолиятидаги жами голлари сони 895 тага етди. Фаолиятидаги голлар бўйича ундан фақат Криштиану Роналду олдинда.
Португалиялик футболчи ҳозиргача 953 та гол урган. Шундай қилиб, Месси Роналдуга етиб олиш учун 58 та гол фарқини ёпиши керак.
Клуб даражасида Лионел Месси "Интер Майами" шарафини ҳимоя қилмоқда. Яқинда аргентиналик юлдуз МЛС клубидаги шартномасини 2028 йил охиригача узайтирди.
Аргентина терма жамоаси навбатдаги тайёргарлик ўйинларини март ойида ўтказади. Жамоа аллақачон жаҳон чемпионати йўлланмасини қўлга киритган.
Меҳмон гуруҳидаги фойдаланувчилар ушбу мақолага изоҳ қолдира олмайди.
