Aбердин университети олимлари кунига икки литр сув истеъмол қилиш кўпинча одамларнинг эҳтиёжларидан ошиб кетишини аниқладилар.
Кундалик сув истеъмолининг тахминан ярми озиқ-овқат таркибида эканини ҳисобга олсак, инсон организми учун кунига 1,5 дан 1,8 литргача сув керак.
Сувга бўлган эҳтиёжни олдинги тадқиқотларда кичик ҳажмдаги сўровлардан фойдаланиб белгилашган.
Aбердин университети профессори Жон Спикман BBC радиосига берган интервюсида шундай дейди: “Кунига икки литрлик меъёр кичик ҳисоб-китобдан келиб чиққан. Биз ичишимиз керак бўлган сувни организмга керак бўлган сувнинг умумий миқдорини озиқ-овқатдан оладиган миқдор билан қўшиб ҳисоблаш керак. Дастлабки тадқиқотларда одамлардан қанча овқат истеъмол қилишларини сўрашган. Одамлар истеъмол қиладиган озиқ-овқат миқдорини кам кўрсатгани сабабли, нотўғри ҳисобот келиб чиққан ва шунинг учун керакли сув миқдори ортиқча белгиланган”.
Aммо энди бутун дунё олимлари барқарор изотоплар усули ёрдамида сувнинг аниқ айланишини ўлчаш учун ҳамкорлик қилмоқдалар.
Улар 23 мамлакатда саккиз кунлик чақалоқдан 96 ёшгача бўлган 5604 кишини ўрганишди. Тадқиқотлар бир стакан сув ичган одамларни қамраб олди, унда баъзи водород молекулалари дейтерий деб номланган элементнинг барқарор изотопи билан алмаштирилди. Бу табиий равишда инсон танасида мавжуд ва мутлақо зарарсиздир.
Ортиқча дейтерийни йўқ қилиш тезлиги танадаги сув айланиши қанчалик тез содир бўлишини кўрсатади. Сув айланиши юқори бўлган одамлар одатда кўпроқ сув ичишлари керак.
Овқат ва сув
Aммо сувнинг айланиши ичимлик сувига бўлган эҳтиёжга тўлиқ мос келмайди, деган профессор Спикман.
"Агар 20 ёшли эркак кунига 4,2 литр сув айланса ҳам, у ҳар куни 4,2 литр сув ичиши шарт эмас. Ушбу қийматнинг тахминан 15% ер усти сув алмашинувини ва метаболизм натижасида ҳосил бўлган сувни акс эттиради. Aслида зарур бўлган сув истеъмоли кунига тахминан 3,6 литрни ташкил қилади.
Кўпгина озиқ-овқат маҳсулотларида сув ҳам бўлганлиги сабабли, сувнинг катта миқдори фақат озиқ-овқат билан таъминланади. Ушбу тадқиқот шуни кўрсатадики, барчамиз саккиз стакан сув ичишимиз керак деган кенг тарқалган тадқиқот, аксарият ҳолларда кўпчилик одамлар учун жуда юқори бўлиши мумкин ва бу маълумотлар сув истеъмол қилиш бўйича "универсал сиёсат" ни қўллаб-қувватламайди".
Унинг сўзларига кўра, тадқиқот келажакдаги сувга бўлган эҳтиёжни башорат қилишда катта қадамдир. Aммо жуда кўп сув ичишнинг салбий оқибатлари ҳам мавжуд.
– Тоза ичимлик суви текин эмас, – деб мулоҳазаларини билдиради профессор Спикман. – Aгар одамлар ўртача ярим литрдан кўпроқ ичишса ва сиз буни буюк Британиядаги 40 миллион ёши катталарга кўпайтирсангиз, демак, биз 20 миллион литр сувни беҳуда сарфлаймиз. Бунинг учун пул тўлаш керак. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Украина Курск областида эгаллаб олган ҳудудларининг 40 фоиздан ортиғини йўқотди
Медведев: Махсус ҳарбий операция учун қуролларнинг аксарияти Россияда ишлаб чиқарилади
БААда исроиллик раввин ўлдириб кетилди
Шавкат Мирзиёев Сума Чакрабарти билан учрашди
Конор Макгрегор жинсий зўравонликда айбдор деб топилди
АҚШ разведкаси Путиннинг хориждаги мухолифлари ўлдирилишига оид махфий ҳужжатларни қисман очиқлади
Шавкат Мирзиёев «Яшил макон» умуммиллий лойиҳасининг янги боғида кўчат экди (фото)
Эрдўғон: “Туркия Ғазо можароси тугамагунча Фаластинни қўллаб-қувватлайди”
